بيتزا ..كفته اللحم ..معكرونه بالدجاج من مطبخي وبالصور ..

السلام عليكم ورحمه الله

أقدم لكم طبخات العشاء هالاسبوع من مطبخي ..

اولا... بيتزا

المقادير/
خلطه الصوص (لحم مفروم حسب كميه اللي بتسويها + طماطم +بصل +فلفل اخضر +صلصل + بهارات + ملح شويه ثوم)
الطريقه /

1- تحميص البصل
2- اضافه الفلفل الاخضر
2- اضافه الطماطم
4- اضافه اللحم والبهارات والملح
5- اضافه الصلصل الاحمر
6- اخيرا دعيه يستوي 10 دقايق ..او اكثر .

مقادير العجينه /
3 كاسات طحين + 1 ملعقه خميره + شويه ملح + فنجال زيت +كاس ماء + 3 ملاعق حليب +1/2 فنجال سكر ...



1- تحضير مقادير .
2- تخلط مقادير جافه
3- تخلط زيت
4- نعجنها ونخليها ترتاح تتخمر ساعه .
5- بعد ساعه نطلعها ونفردها بالمحور ونسوي الاشكال اللي نبيها ..
6- نجهز مقادير تضبيط البيتزا ..
زيتون + فلفل اخضر + جبن + لبنهوزعتر سويت بعد + وصوص اللحم اللي سوينها قبل .


هنا دخلتها بالفرن كلها البيتزا واللبنه ولحم بالعجين

وبعدين قطعت البيتزا وخليتها لوحدها بصحن وفطاير لوحدها بالفرن ..
ملاحظه ::: ترا صار اللبنه ولبنه بالزعتر قليل
اذا سويته حطوا كثير ولاتخافوا لانه يتحمر بسرعه وينتفخ فكلما حطيت اكثر كلما بين ..

وأخيرا سلطه جرجير مع هالفطاير .... هذا او ليله عشاء



نجي لليوم الثاني عباره عن معكرونه بالدجاج وهي طريقه شفتها بدفتر حق صلصل ..
وترااااااااااااااها لذيذه مررررررررررررررررررره ... وطريقتها نوعا ما تشبه كبسه دجاج او مرقه دجاج المهم اللي ناكلها بالغداء ... يلا نبدء



1- هنا جبت العده المعتاده للطبخ ( بصل احمر + بصل اخضر + طماطم + فليفله + بطاطا )
2- نحمس البصل والثوم سوا
3- نحط الطماطم ونضيف الصلصل والبهارات ونخليه شويه .
4- نسلق المعكرونه مع اضفه ملح طبعا .
5- نضيف الدجاج الى خلطه صوص ونضيف عليه شويه مويه عشان ينضج الدجاج بس مو كامل النضج .. يعني خليه ربع ساعه او حتى اقل ..
6- نقلب الدجاج طبعا تذوقي الصلصله اذا ناقصها ملح او بهار ضيفيه بهالخطوه .. (مهم).



1- هنا اضفت اكثر صلصل لان زوجي يحب المكرونه حمراء..
2-اللحين نشيل الدجاج ونحمره بالفرن .
3- نخلي الصوص يستوي شوي طبعا صار ريحته مشهي بعد الدجاج والبهارات .
4- نضيف المكرونه الى صوص ونحرك ونحرك الى ان ينشف المعركونه .
5- نضيف المكرونه بصينيه ونضع فوقه الدجاج ..
6- نزين الطبق ببيضه مسلوقه وبقدونس .

نجي حق اخر طبق سويته ..

كفته اللحم .. طريقه اخذتها من عند خالتي .. وسويتها كثير برمضان وللحين اسويها بين فتره وفتره ..



1- نقطع البصل والثوم ونحطه بطويسه .
2- نغسل اللحم ونخليه يتصفى قبل الاستخدم .
3- نضيف اللحم الى خلطه البصل ونضيف شويه بقدونس معاه.
4- نضيف الملح والبهارت ونخلط المزيج ..
5- نكور اللم ونضعه بصينيه بايركس .
واللحين نسوي الطحينيه اللي فوق اللحمه ..



1- حضرنا مقادير الطحينيه ( 3/4 كوب طحينيه ,1/4 كوب عصير ليمون , 3/4كاس ماء , 1/2 كاس زيت ...) تخلط مع بعض الى ان يصبح لونها ابيض ..

ملاحظه هذه مقادير طحينيه لصينيه اكبر بأمكانك التقليل من كل مقدار .. حسب صينيتك ..
2- نضيف الطحينيه على الكفته .
4- ندخلها الفرن ونخليها تنضج ونطلعها وتكون بهالشكل .
5- نجهز لها خبز صغير مع طماطم وخيار ..
6- نضع في كل خبزه خيار وطماطم وقطعه لحم وتقدم للآكل على طول ..

بالهنـــــــــــــــــــــــــــــــــــــــــــــ ـــــــــــــــاء والشــــــــــــــــــفاء للجميع ...

اتمنى الاطباق تعجبكم ... تحياتي للكل ... منقول

واووو

والله ياانك شووقتيني البتزا الي تسوينهاا الذيذه

ارسليلي شوي بس <<<<قنوووعه

تقبلي مروري