اسرع طبخاتي

موضوع: اسرع طبخاتي الثلاثاء يناير 08, 2008 10:55 am

بسم الله الرحمن الرحيم

السلام عليكم ورحمة الله وبركاته

خواتي العزيزات ....

هذي طبختي المفضله واسرع طبخه واطعم طبخه ..

أقصد بالسريعه ان ما يبي لها شغل وايد لكن النتيجه رائعه ..

خصتا لما يكون عندي ضيوف اسويها لانها مو متعبه واتفرغ للحلويات ...

نبتدي بعـــــون الله ..

كل الي نحتاج له ...

دجاج على حسب رغبتك سواء قطع صدر او رجل مو مهم

أهم شي ان يكون ني يعني مو مطبوخ

نتبله بالبهارات العاديه الي عندك اي شي تفضلينه

اسرع طبخاتي 6fc42dc2b7

بعدين نقطع البطاطس حلقات دائريه

أنا عن نفسي اسوي اربع حبات من البطاطس ...

اسرع طبخاتي DSC_8868_crop

تعرفين علبة اللون البودره الي لونها اصفر

تبلي البطاطس باللون الي عندك تلاقينه بالسوبرماركتات بكل مكان يستخدم لتلوين البرياني اكيد عرفتوه !!

بس بدل ما تحطينه على الرز حطيه على البطاطس واقلبيه عدل مدل

اسرع طبخاتي Rice_narrowweb__200x301

نجي للرز نغسله ونطبخه عادي بالماي والملح مثل العيش الشيلاني الابيض بس ديري بالك ان

ما يستوي كثير يعني اشوي ينضج شيليه وصفيه من الماء ...

الخطوه الي بعدها نحمر الدجاج بالزيت على الجهتين حتى يصير لونه ذهبي وحلو ومو مهم ينضج من الداخل

نحمر البطاطس بالزيت ولما يصير لونه ذهبي شيليه يعني بس اشوي ثواني وايضا ما نبيه ينضج يعني على السريع

الحين صفي البطاطس بالجدر الي عندك الطبقه الي بعدها حطي الدجاج واخر شي حطي الرز

وغطيه بالقصدير وغطي الجدر وخففي على النار لمدة 45 دقيقه

وبــــــــــــــــــــــس ....

ملاحـــــــــــــــظه :::::انا اسويها بسرعه والسبب اني اخلي جدر فيه الرز ينطبخ ونفس الوقت احمر الدجاج بجدر ثاني والبطاطس بجدر ثالث وبالنهايه ما اخذ مني اكثر من ربع ساعه

ولا تخافين بيطلع الدجاج لين ومستوي عدل والبطاطس لونه فضيع

جربو ان شاء الله راح تدعون لي

مشكوره ياقلبي على الطبخه اللذيذه

>>>>>جاااري التنفيذ