تدري وش أصعب شي لا قمت من نوم
تشوف جوالـك وهـو مااتصـل بـك
وتدري وش العن شي لاصرت مهموم
أنّـه يـدق لحاجتـه مافطـن بــك
المشكلـه مالـك علـى حالتـك لـوم
الشـوق ذبّاحـك ولاهــو بجنـبـك
عاشق وصبرك فـاض واتدقبـه دوم
لـوّك تثيقـل جـاك يركـض وحبّـك
خلك ثـلاث ايـام تاركـه مـو يـوم
تلقـا رسالـة واردة قـال وش بـك
بس الحقيقه كلهـا اضغـاث بحلـوم
لأنّـك تفكـر فيـه نـايـم بقـربـك
لحظه لحظه قبل ترحل باقي في دمعـي كـلام
باقي سكّينك في جوفي وباقي جرح وباقي ويل
وش طرالك ياحبيبي يـوم تتركنـي بسـلام
مادريت أن المحبّه طعنهـا طـاري الرحيـل
وجه الشبه مابين حبري والأحداق
كلٍ كتـب مـن دمعتـه مايلوعـه
امّا الشبه مابين وجهـي والأوراق
أن الحزن يفضح خفايا ضلوعـه
حالي مثل شمعه طفت لحظة ارهاق
نوري لمن حولي ونفسي قنوعـه
أي والله إني محرقٍٍ نفسي حراق
لعيون من خلاّ المشاعر تجوعـه
الظامي اللي اتعبه نشف الأريـاق
ماغير يستسقي دعاوي رجوعه
ليلي غداء صبحي تعوّدتـه شـراق
همٍ يبيّـن فـي ظلامـي سطوعـه
والحزن فج القلب من بين الأعماق
فتّق خفوقـي ليـن بيّـن طلوعـه
يزور مجلس هاجسي طيف الأشواق
وبيبان ويلي فتّحـت لـه جزوعـه
حسبي على الذكرى بلحظات تنساق
ويّاجروحن ارتـوت مـن نبوعـه
من يستره صوتٍ تعرى من افراق
بانت به البحّـه تبيّـن خضوعـه
دام الفرح مشلول مايمشي بسـاق
بزف انا حزني وبمشـي بطوعـه
وش بقا غير الورق هلّيت دمعي لك حـروف
وش بقا غير العتـب اللـي تلعثـم بالجفـا
وش بقالي والفرح طفلٍ من احظاني امخطوف
وش بقالي ياجـروحٍ صاحبـت كلمـة افـا
وش بقا ياذكريـاتٍ عيّـت بحالـي تـروف
وش بقا يا هبّت الأحزان مـن غربـي لفـا
وش بقا دام الحزن سكّة سفر طالت ألـوف
وش بقا ياجمرة الهجـران تحـرق بالخفـا
وش بقالي يارواية في ظلـوعٍ لـك رفـوف
مابقالي الا قصيـدي ودمـع ذايـب مادفـا
لااااا تبخلووون علينااا بردودكم
الإثنين فبراير 04, 2008 4:38 am
